Significance of Shashtyabdhapoorthi

ஷஷ்ட்யப்தபூர்த்தி மஹோத்ஸவத்தின் மஹிமை : ஷஷ்ட்யப்த பூர்த்தி கொண்டாடும் நாளன்று ஒருவர் பிறந்தபோது கோள்கள் எந்த நிலையில் இருந் தனவோ, அதே நிலையில் மீண்டும் அமைகின்றது. பகவான் இப்பிறவியில் அங்கபூர்த்தியுடைய மனிதனாக நம்மைப் படைத்து, நமக்கு அடியார்களை ஆத்ம பந்துக்களாக்கி ஸந்மார்க்கத்தில் ஈடுபடவைத்து, பக்தி உணர்வினைத் தந்து, அடியார்களுக்குத் தொண்டு செய்யும் எண்ணத்தைக் கொடுத்து, நம்மை 60 ஆண்டு கள் ரக்ஷித்தற்காக பகவானுக்கு நன்றிசொல்லும் நிகழ்ச்சியே ஷஷ்ட்யப்த பூர்த்தி மஹோத்ஸவம். வேதவிற்பன்னர்களையும், அருளிச்செயல் வல்லார்களையும், 60 வயதிற்கு மேற்பட்ட பெரியோர் களை ஸந்மானிப்பதும் இந்த விழாவின் முக்கியக் குறிக்கோள்களாகும். தமிழ் வருஷங்கள் 60. இந்த 60 வருஷங்களையும் கடந்து மீண்டும் புதியதொரு ஆன்மீக வாழ்வு வாழ்ந்திட தன்னை உட்படுத்திக் கொள்வதே ஷஷ்ட்யப்தபூர்த்தி விழா. ஆசீர்வாதம் என்பது பெரியோர்கள் தன்னைவிட குறைந்த வயது படைத்தவர்களை வாழ்த்துவதும் ஸந்மானம் அளிப்பதுமாகும். ஷஷ்ட்யப்த பூர்த்தி கண்ட தம்பதிகளை வணங்கி ஆசீர்வாதம் பெற்றுக்கொள்பவர்கள் ஆயுள், ஆரோக்கியம், சுகவாழ்வு, மக்கட் செல்வம், பொருட்செல்வம், வெற்றி ஆகியவற்றைப் பெற்றிடுவர். பெரியோர்களுடைய ஆசி வீண்போவதில்லை. அவ்வாறு அவர்கள் ஆசீர்வதிக்கும்போது சேர்க்கப்படும் அக்ஷதையினை சிரத்தையுடன் சிரசில் தரித்துக் கொள்ளவேண்டும். இப்படி பக்திச்ரத்தையுடன் அவரவர் நக்ஷத்ரத்தன்று இந்த ஆயுஷ்ய ஹோமத்தைச் செய்பவர்களையும் அவரது பந்துக்களையும் ஆயுர் தேவதையும், நவக்ரஹ தேவதைகளும், நக்ஷத்ர தேவதைகளும், திசைக்காப்பாளர்களும், மற்றும் ஸகல லோக நாயகனான எம்பெருமானும் கைவிடாது காப்பர் என்கிறது தர்ம சாஸ்த்ரம். எனவேதான் இதை விட்டிடாமல் அவசியம் செய்ய வேண்டும் என்பர் பெரியோர். அப்போது அபிவாதனம் செய்யும்போது எல்லோருடைய ஆசியையும் பெறலாம்.

அருளிச்செயல் பதிகங்களும் அவற்றை அநுஸந்திப்பதால் விளையும் நன்மைகளும்

திவ்யப்பிரந்த பாசுரங்களை ஒருவர் தினந்தோறும் அனு-ஸந்தித்து வந்தால் அதற்குத் தகுந்த பலனை எம்பெருமான் அளித்திடுவான். ஆழ்வாருடைய அருளிச் செயல் வேதத்தையும் விஞ்சியதான தன்மை கொண்டது

. ஆழியெழச் சங்கும்வில்லுமெழ * திசை வாழியெழத் தண்டும்வாளுமெழ * அண்டம் மோழையெழ முடிபாதமெழ * அப்பன் ஊழியெழ உலகம்கொண்டவாறே. திருவாய்மொழி 7-4-1 மற்றொன்றும்வேண்டாமனமே! * மதிளரங்கர் கற்றினம்மேய்த்தகழலிணைக்கீழ் * – உற்ற திருமாலைபாடும்சீர்த்தொண்டரடிப்பொடி யெம் பெருமானை எப்பொழுதும்பேசு. திருமாலைத் தனியன்

ஸர்வேஜனா: ஸுகினோபவந்து ஸமஸ்தஸன்மங்களானிஸந்து

Leave a Reply

Your email address will not be published. Required fields are marked *