Category Archives: Srirangam Tidbits

The Audacity of H.R. & C.E. Srirangam Temple J.C.

An Open Letter sent to the Srirangam temple J.C. by Sri Vaishnava Sri Krishnamachari questioning his authority in cancelling the Bhattar Bramaratham

 

Your attempt to introduce social reforms in the temple is against all norms.  You have no authority to interfere with the religious practices of this temple and in the name of introducing social reform you have attempted to defile and desecrate the idol.  Under the provisions of HR &CE Act you and the Board of Trustees have no authority to interfere and modify age old customs.  Further you have not notified in writing your decision to stop Brahmaratham in advance to the persons who were due for the offering of respect.  This is against natural justice.  Further you should know that the “Kaisika Brahmaratha Mariyaadhai”  is done to the “Kaisikapurana Scripture”  for which the Parasara Bhattar Son of Sri Koorthazhvan wrote a commentary.  Just as in Yaanai Vahanam  the Archaka is holding the idol sitting on the Vahanam and the vahanam is carried by men only , here, in the case of Bhattar’s Brahmaratham on the kaisika Ekadasi Day the Scripture which is considered holy is held in possession by a person clad in a special dress.  There he is considered as a Guru and his disciples are to carry him to express their gratitude towards the Guru.  But, unfortunately in the name of social reforms with scan respect for tradition you have sabtoged a long standing custom.
The contents of Article 25 and 26  of the Indian Constitution was discussed and analysedthe in the Seshammal vs. State of Tamil Nadu which has been publised in the Madras Law Journal Report (Supreme Court) and the contents are as follows:-
“The contents of Arts. 25 and 26 of the Constitution came up for consideration before this Court in the Commissioner, Hindu Religious Endowments, Madras v. Sri Lakshmindra Thirtha Swamiar of Sri Shirur Matt, Manapat Jagannath Ramanuj Das v. The State of Orissa, Sri Venkatamona Devaru v. The State of Myusore, Durgah Committee, Ajmer v. Syed Hussain Ali, and several other cases and the main principles underlying these provisions have by these decisions been placed beyond controversy.  The first is that the protection of these Articles is not limited to matters of doctrine or belief;  they extend also to acts done in pursuance of religion and therefore contain a guarantee for rituals and observances, ceremonies and modes of worship which are integral parts of religion.  The second is that what constitutes an essential part of a religion or religious practice has to be decided by the Courts with reference to the doctrine of a particular religion and includes practices which are regarded by the community as part of its religion.”
The learned judges have further stated that the Board of Trustees have to follow the provisions of 28/1 of the HR & CE Act 1959.
“In a Saivite or a Vaishnavite temple the appointment of the Archaka will have to be made from a specified denomination, sect or group, in accordance with the directions of the Agamas governing these temples.  Failure to do so would not only be contrary to section 28(1) which requires the trustee to follow the usage of the temple, but would also interfere with a religious practice the inevitable result of which would be to defile the image………………………………..will be bound to follow the hereditary principle as a usage peculiar to the temple.”
Under the pretext of social reform you can not introduce or modify the age old customs.  The Board of Trustees is not a law making body.  You can modify such customs only through a law enacted by the assembly.  Further, you have not made public the resolution of the Board of Trustees as it affected the age old customs and traditions.  The Supreme Court had ruled out that (The Seshammal v. State of Tamil Nadu Case) “ the 1972 Act gives the indication that one of the purposes of the Act is to effect a change in the rituals and ceremonies followed in the temples.  On the other hand, section 107 of the principal Act. emphasises that nothing contained in the Act would be deemed to confer any power or impose any duty in contravention of the rights conferred on any religious denomination or any section thereof by Article 26 of the Constitution.   Similarly section 105 provides that nothing contained in the Act shall (a) save as otherwise expressly provided in the Act or the rules made thereunder, affect any Honour, emolument or perquisite to which any person is entitled by custom or otherwise in any religious institution, or its established usage in regard to any other matter.  Moreover, if any Rule is framed by the Government which purports to interfere with the rituals and ceremonies of the temples the same will be liable to be challenged by those who are interested in the temple worship.”
You have not followed the principles of Natural Justice.  You had sent out a letter under letter No. 4555/1420/T1 dt. 20/9/2010 to the descendants of Vedavyasa Bhattar and Parasara Bhattar and Arayars stating that men should not carry man inside the temple precincts which is equivalent to hand rickshaw pulling (This is an odd comparison. Carrying and paying respect to an Acharya as ordained by Lord by the sishyas of the Acharya can not be compared to hand rickshaw pulling where earns his livelyhood.  You can not wound the feelings of the devotees.  By law you are the guardian of the Lord).
If there should not be any difference before Lord in the name of Psst, Gender, Caste or Creed, Language then why certain people are given Honours when the Lord is in procession in preference to others.  Why when the collector comes to the temple Dawali Servant accompanies him?  Why the Maniyar prostrates before the Stalattars?  Like this one can rais thousands of such questions for which you will not be able to answer properly.  In the name of social reforms you can change all these customs.  But you can not do so.  Finally you will have to come with an answer that they are all long standing customs and tradition bound by a cour judgement etc..  Why you have not implemented till date the provisions of Rule 106 of the HR & CE Act. pertaining to Distribution of Theertham, Turmeric Powder, Kunkumam and cooked food (Prasadam) to women alongwith men without any discrimination.  Even though I had raised this question earlier under RTI you have not replied.  Before attempting changes in the customs and traiditions  like denial of Brahmaratham better you introduce changes in the temple in accordnace with the provisions of HR & CE Act.
It is obvious that you have taken the support of the Atheist Parties who do not believe in God and Temple rituals and claim to have achieved victory which is false in the eyes of Law.  As a worshipper I will soon engage you in a legal battle.  Your bone of contention in denying the Brahmaratham is that Men Should Not Carry Man inside the temple precincts.  But in replying to my RTI Query No. 10 vide your letter dt. 1900-1420-T1 dt. 17/11/2010  that there is no intention to stop the practice of carrying the persons dressed as Thirumangai Azhwar by another man inside the temple on the 8th Day of Raappaththu, as it is not called Brahmaratham.  First of all, nobody calls this occasion as Brahmaratham.  But your logic seems to be wrong.  You have denied Brahmaratham to Bhattar citing the social thinking that man should not be carried by men.  If that is the basic underlying principle to deny an age old custom arbitrarily.   What prevents you from preventing the act of “Man carried by Men” and that too inside the temple precincts on the 8th day of Rappaththu.  If you abolish one custom, based on a certain principle, whether right or wrong are you not to apply the same principle to all the customs and traditions which you consider against social thinking inside the temple.  If it is not so I have to consider that you have double standards in the administration of this great temple which makes you not worthy to occupy the post of an Executive Officer who is supposed to be unbiased and who should respect the age old customs.

Srirangam NamperumaL Oonjal Utsavam

ஸ்ரீ:
ஸ்ரீமதே ராமாநுஜாய நம: ஸ்ரீமத் வரவரமுனயே நம:

நம்பெருமாள் கண்டருளும் ஊஞ்சல் திருநாள் (25-10-2010 தொடங்கி 2-11-2010 ஈறாக)

1. முதல் திருநாள் :  இது ஒன்பது நாள் உத்ஸவம்.  ஐப்பசி மாதம் கிருஷ்ணபக்ஷ ஏகாதசியன்று இந்த உத்ஸவம் பூர்த்தியாக வேண்டியதால், த்ருதீயை அன்று இது ஆரம்பிக்கப்படும்.
2.  த்ருதீயை அன்று நம்பெருமாள் நித்தியப்படிபோலே பெரிய அவசரத் திருவாராதனமாகித் தளிகை அமுது செய்தபிறகு, உத்ஸவத்துக்காக ரக்ஷா பந்தனம் செய்து கொள்வார்.
3. இந்த உத்ஸவத்துக்கு ம்ருத் ஸங்ரஹணம் (திருமுளைக்காக மண் எடுத்தல்) கிடையாது.  இது மத்தியானத்துக்குமேல் நடக்க வேண்டிய உத்ஸவம் ஆதலால், பெரிய அவசரம் அமுது செய்த பிறகுதான் நம்பெருமாள் புறப்படுவார்.
4. ரக்ஷாபந்தனமானதும், ஸந்நிதி வாசலில் திருச்சிவிகை என்ற பெரிய ஆஸனத்தில் நம்பெருமாளும் உபயநாய்ச்சி மார்களும் ஏராளமான திருவாபரணங்கள் அணிந்துகொண்டு எழுந்தருளுவார்கள்.
5. தினந்தோறும் சட்டைப்பாளம், கபாய் என்ற உடைகளில் ஏதேனும் ஒன்று தரித்துக்கொண்டு அதன்மேல் திருவாபரணங்களை அணிந்து கொள்வார்.
6. அத்யயனோத்ஸவம், பவித்ரோத்ஸவம், கோடைத் திருநாள் நீங்கலாக மற்றைய எல்லா உத்ஸவங்களிலும் முதல் திருநாளில் நம்பெருமாள் உபயநாய்ச்சிமார்களோடுதான் எழுந்தருள்வது வழக்கம்.
7. இந்தத் திருநாள் முழுவதும் நம்பெருமாள் புறப்பாட்டுத் தளிகை அமுது செய்து புறப்படுவார்.
8. நம்பெருமாள் புறப்பட்டு த்வஜஸ்தம்பத்துக்கு அருகே ஊஞ்சல் மண்டபத்துக்கு எதிரில் உள்ள நாலுகால் மண்டபத்தில் திருவந்திக் காப்புக் கண்டருளி, கந்தாடை இராமானுசனுக்கு ஸேவை ஸாதித்த பிறகு (தற்போது இந்தப் பட்டத்தில் யாரும் எழுந்தருளவில்லை), மண்டபம் போய் திரை ஸமர்ப்பித்து, ஏகாந்தமாய் ஊஞ்சலில் எழுந்தருளியதும், அலங்காரம் என்னும் தோசை வடை, ப்ரஸாதம், அமுது செய்வித்து திரை வாங்கப்படும்.
9. ஊஞ்சல் மண்டபத்தில் கந்தாடை இராமானுச முனி முழு திருவுருவச்சிலை தூணில் அமைந்துள்ளது.
10. பிறகு ஸ்தாநீகருடைய  அருளப்பாடுகளுடன் திருவாராதனம் வெகு விமரிசையாக நடைபெறும்.
11. அதன்பிறகு திரை ஸமர்ப்பித்து வெள்ளிச் சம்பா அமுது செய்வித்ததும், திரைவாங்குகையில், நம்பெருமாள் ஊஞ்சலாடிக் கொண்டே மங்களாரத்தி கண்டருள்வார்.
12. திருவாராதனத்தின்போது ஸேவிக்கப்படும் திருப்பாவையோடு “மாணிக்கங்கட்டி” (பெரியதிருமொழி-1.3), “மன்னுபுகழ்” (பெருமாள் திருமொழி 8ஆம் திருமொழி) ஆகிய பதிகப் பாசுரங்கள் அரையர்களால் ஸேவிக்கப்படும்.
13. ஊஞ்சலுக்கு இருபுறத்திலும் கைங்கர்ய பரர்களால் தங்கச்சாமரம் வீசப்படும். கீழே ஊஞ்சல் மண்டபம் படிக்கட்டிலிருந்து தென்புறத்தில் ஸ்தலத்தார்கள், தீர்த்த மரியாதைக்குரியவர்கள், அத்தியாபகர், மணியகாரர் முதலானோர் வரிசையாய் எழுந்தருளியிருப்பார்கள்.
14. அர்ச்சகர் ஊஞ்சலை ஆட்டிக் கொண்டே வெற்றிலையை அடிக்கடி நம்பெருமாளுக்குக் கண்டருளப் பண்ணி கீழே உள்ளூரார் ஊழியக்காரர் கையில் பிடித்துக் கொண்டிருக்கும் காளாஞ்சியில் சேர்ப்பார்.
15. ஒருமணி நேரத்துக்குக் குறையாமல் இந்த ஊஞ்சல் வைபவம் நடக்கையில் தாம்பூலம் முழுவதும் நம்பெருமாளுக்குக் கண்டருளப் பண்ணிய பிறகு, அர்ச்சகர் அந்த தாம்பூலங்களைக் கீழே கொண்டுபோய் மணியகாரரிடம் ஸாதிப்பார்.
16. பிறகு ஸ்தானீகர் ஊஞ்சல் மண்டபம் முன்புறத்திலிருந்து “சாரீயோம்” என்று வெகு கம்பீரமாய் உரக்க அருளப்பாடு ஸாதித்திடுவார்.
17. அதன்பிறகு தீர்த்தம், மற்றும் திருப்பணியார வினியோகம் ஆனபிறகு நம்பெருமாள் புறப்பட்டு அரையர் தாளத்துடன்  உள்ளே போய் மேலப்படியில் படியேற்றம் கண்டருளி கருவறைக்கு எழுந்தருள்வார்.
18. ஒன்றான கந்தாடை இராமானுசமுனி ஊஞ்சல் மண்டபம் கட்டி இந்த உத்ஸவத்தையும் ஏற்படுத்தியதால், தினந்தோறும் அவருடைய மடத்துக்கு விட்டவன் விழுக்காடு ப்ரஸாதம் வீரவண்டி சேமக்கல கோஷங்களோடு அனுப்பி வைக்கப்படும்.
19. இரண்டாம் திருநாள் : நம்பெருமாள் காயத்ரி மண்டபத்தில்அமுது பாறையின்மேல் தோளுக்கினியானில் எழுந்தருளி, புறப் பாட்டுத் தளிகை அமுது செய்து புறப்பட்டு, ஊஞ்சல் மண்டபத்தைச் சென்றடைந்து  எல்லா வைபவங்களையும் கண்டருள்வார்.
20. ஆறாம் திருநாள் வரையிலும், எட்டாம் திருநாளன்றும் இதே மாதிரி நடைபெறும்.
21. ஏழாந்திருநாள் : நம்பெருமாள் ஸந்நிதி வாசலில் உபயநாய்ச்சிமார்களோடு எழுந்தருளி பஹிரங்கமாக சூர்ணாபிஷேகம் செய்துகொண்டு புறப்பட்டு, மற்றைய நாட்கள் போல நேராக மண்டபம் போகாமல், ஆர்யபட்டாள் வாசலுக்கு வெளியே வந்து, கொட்டார வாசலில் நெல் அளவு கண்டருளி, நாய்ச்சியார் ஸந்நிதி முன் மண்டபத்தில் ஸ்ரீரங்கநாய்ச்சியார் செய்துவைக்கும் திருவந்திக்காப்பையும் பெற்றுக் கொண்டு திரும்பி வந்து மண்டபம் எழுந்தருள்வார். மற்றைய காரியங்கள் மற்றைய நாட்களில் நடைபெறுவது போலவே நடைபெறும்.
22. மதுரகவி நந்தவன உபயம் : இந்த ஏழாந்திருநாள் உத்ஸவம் மதுரகவி நந்தவனத்தாரால் நடத்தி வைக்கப் படுகிறது.
23. இன்றைய தினம் தளிகை முதலிய ப்ரஸாதங்களை ஏராளமாகப் பண்ணி நம்பெருமாளுக்குக் கண்டருளப் பண்ணுவது தவிர, இந்த நந்தவனத்தார் மண்டபத்தை வெகு நேர்த்தியாக அலங்கரித்திடுவர்.
24. கருட மண்டபத்திலிருந்து ஊஞ்சல் மண்டபம் வரைக்கும் மேலே மலர்களாலும் ஓலைகளாலும் தடுக்குகள் கட்டி இடைவிடாமல் தென்கலைத் திருமண், சங்கு, சக்கரம் இவைகளால் அலங்கரிக்கப்படும்.
25. ஏழாந்திருநாளன்று செய்யப்பட்ட இந்த அலங்காரம் உத்ஸவம் முழுவதும் பாதுகாப்புடன் வைக்கப்படும்.
26. எட்டாம் திருநாள்: இரவு நம்பெருமாள் உள்ளே எழுந்தருளியதும் சயனமூர்த்திக்கு சயனம் ஸமர்ப்பிக்கப் படும்.
27. ஒன்பதாம் திருநாள் – சாற்றுமுறை :  நம்பெருமாள் காலையில் முதல்காலத் திருவாராதனம் கண்டருளி, பொங்கல் அமுது செய்து, காத்திருக்கும் ஸ்நானபேரரோடு, சந்திர புஷ்கரிணியில் தீர்த்தவாரி நடத்தி மண்டபம் எழுந்தருள்வார்.
28. மண்டபத்தில் ஊஞ்சலுக்குக்கீழ் திருமஞ்சன வேதியில் திருமஞ்சனம் ஆனபிறகு, நம்பெருமாளை ஏகாந்தமாய் ஊஞ்சலில் எழுந்தருளப்பண்ணித் திருவாபரணங்கள் ஸமர்ப்பிக்கப்படும்.
29. அலங்காரம் அமுது செய்தபிறகு திரைவாங்கி வேத விண்ணப்பமும், கடதீபத்தினால் கும்பஹாரத்தியும்  நடந்து, வெள்ளிச் சம்பாத் தளிகை அமுது செய்விக்கப்படும்.
30. இவ்வளவு நாளாக நடந்ததைவிட இன்று ஊஞ்சலாட்டம் அதிக நேரம் நடை பெறும்.
31. தீர்த்த வினியோகம் முதலியவை ஆனபிறகு நம்பெருமாள் புறப்பட்டு  உள்ளே எழுந்தருள்வார்.
32. ரக்ஷாபந்தனம் களைந்த பிறகு, செலவு சம்பாவும் அரவணையும் அமுது செய்விக்கப்படும்.    ***

Vijayadasami in Srirangam Thayar Sannidhi

ஸ்ரீ:
ஸ்ரீமதே ராமாநுஜாய நம: ஸ்ரீமத் வரவரமுனயே நம:

புரட்டாசி நவராத்ரி நவமி, மற்றும் தசமி ஆகிய நாட்களில் நடைபெறும் வைபவங்கள்
(16, மற்றும் 17-10-2010)
ஐ.நவமி அன்று நடைபெறும் வைபவங்கள்
1. பெரியபெருமாள் பெரிய அவசரம் அமுது செய்ததும், கருகூல நாய்ச்சியார், நாயகர் அறை நாய்ச்சியார், சுக்ரவார நாய்ச்சியார், (இவர் பரிமள அறையில் எழுந்தருளியுள்ளார். இது யாகசாலைக்கு அருகில் உள்ளது.) அரவிந்த நாய்ச்சியார், (அன்னமூர்த்தி ஸந்நிதியில் எழுந்தருளியுள்ளார்.) ஹயக்ரீவர், ஸரஸ்வதி, செங்கமல நாய்ச்சியார், குருகூர் நாய்ச்சியார், (இவர் கோசாலையில் எழுந்தருளியுள்ளார்.)  ஆகியோர்களுக்கும், மேளம் முதலிய வாத்தியங்கள், துவாரங்கள் முதலியவற்றுக்கும் திருவாராதனம், கடதீபம், அமுதுபடிகள் ஸமர்ப்பித்தல் ஆகியவை நடைபெறும்.
2. ஸ்ரீரங்கநாய்ச்சியாருக்குப் பெருமாள் மாலை அனுப்புதல்: ஸ்ரீரங்கநாய்ச்சியார் தினந்தோறும் போலப் புறப்பட்டு மண்டபம் எழுந்தருளுவார்.
3. கொலுமண்டபத்தில் நாய்ச்சியாருக்கு பஹிரங்கமாகத் திருமஞ்சனமாகி தளிகை அமுது செய்வித்ததும், பெரியபெருமாளிடமிருந்து மாலை வரும்.
4. நம்பெருமாள் அர்த்தஜாம பூஜையான செலவுசம்பா, திருவாராதனமும், தளிகையும், அரவணைப் பிரஸாதமும் கண்டருளிய பிறகு, நட்டுமுட்டு வாத்திய கோஷத்தோடு நம்பெருமாளுடைய கஸ்தூரித் திருமண் காப்பு, வஸ்திரம், சாற்றுபடி, மாலை ஆகியவற்றைக் களைந்து அர்ச்சகர்  ஸஹஸ்ர தாரைத்தட்டில் வைப்பார்.
5. பெரிய கோயில் ஸ்தாநீகர் மாலையை சிரஸா வஹித்து தாஸநம்பி பந்தத்துடனும், காப்பந்தத்துடனும் வாத்திய கோஷத்துடனும் வெளியே கொண்டு வருவார்.
6. அப்பொழுது குதிரையும் காவேரியில் தீர்த்தமாடிப் பெருமாளுடைய மாலையைப் பின் தொடர்ந்தே நாய்ச்சியார் ஸந்நிதிக்கு எழுந்தருளப்பண்ணப்படும்.
7. மாலையை ஸ்தாநீகர் தம் சிரஸ்ஸினின்று இறக்கி அர்ச்சகரிடம் கொடுத்தவுடன், அர்ச்சகர் அதை நாய்ச்சியாருக்குச் சாற்றி, நாய்ச்சியார் சாற்றிக்கொண்டிருக்கும் மாலையைக் களைந்து, ஸ்தாநீகருக்கு ஸாதித்து ஸேவை மரியாதை செய்து வைப்பார்.
8. நாய்ச்சியாருக்கு எதிரில் நிற்கும் குதிரை நம்பிரானுக்கும் திருவாராதனம் நடந்து, பிரஸாதமும், மொச்சைச் சுண்டலும் நிவேதனம் செய்யப்படும்.
9. உத்ஸவபூர்த்தி: பிறகு, நாய்ச்சியார் தீர்த்த விநியோகம் முதலியவை ஆனபிறகு, புறப்பட்டுக் கண்ணாடியறை வாசல் சேர்ந்ததும், திருத்தாழ்வரை தாஸர் எழுந்தருளி, படிப்பு ஸேவிப்பது ஒருகாலத்தில்  நடந்து வந்தது. இது இப்போது நடைபெறுவ தில்லை.
10. ரக்ஷாபந்தன விஸர்ஜனம்: நாய்ச்சியார் உள்ளே எழுந்தருளியதும் ரக்ஷாபந்தனம் களையப்படும். நாய்ச்சியாருக்குத் திருவாராதனமாகி ரக்ஷா பந்தனத்தைக் களைந்து, செலவுசம்பா தளிகையும், அரவணையும் அமுது செய்வித்து, வெளியே நாய்ச்சியாருக்கு எதிரிலிருக்கும் குதிரை நம்பிரானுக்கும் திருவாராதனமாகி, ரக்ஷாபந்தனம் களைந்து, மொச்சைச்சுண்டலும், பிரஸாதமும் நிவேதனமாகும்.
11. பிறகு, குதிரை நேராகப் பெரியபெருமாள் ஸந்நிதிக்குப்போய் பெரிய பெருமாளுக்கெதிரே நிற்க, அங்கே குதிரைக்கு மறுபடியும் ரக்ஷாபந்தனம் முதலியவை நடக்கும்.
12. குதிரைக்கு ரக்ஷாபந்தனமானதும் பெரியபெருமாள் பால் அமுது செய்வார்.
13. விஜயதசமி:  உதயத்திலேயே நம்பெருமாள் பொங்கல், பெரிய அவசரம் திருவாராதனமும், தளிகையும் கண்டருளிப் பல்லக்கில் புறப்பட்டு, கீழைக்கோட்டை வாசல் மார்க்கமாய் புறப்பாடு கண்டருளி, பலவிடங்களில் வழிநடை உபயங்கள் அமுது செய்து, காட்டழகியசிங்கர்  ஸந்நிதியிலுள்ள வெளிமண்ட பம் எழுந்தருளுவார்.
14. மண்டபத்தில் திருவாராதனமாகித், தளிகை அமுது செய்வித்து, தீர்த்த விநியோகம், பிரஸாத விநியோகம் முதலியவை நடந்த பிறகு, மாலையில் குதிரை வாஹனத்தில் எழுந்தருள்வார்.
15. வில்லும் அம்பும் வந்தபிறகு நம் பெருமாள் புறப்பட்டு வெளியே வந்து, சிங்கர் ஸந்நிதி வாசலிலுள்ள நாலுகால் மண்டபம் எழுந்தருளுவார்.
16. நம் பெருமாள் அம்பு போடுதல்: அர்ச்சகரும் கோயில் புரோஹிதரான புள்ளச்சி வாத்தியார் ஆகிய இருவரும் எதிரி லுள்ள வன்னிமரத்தடியில் போய் மரத்துக்குத் திருவாராதனம் செய்வார்கள்.
17. மரத்துக்குத் தளிகை அமுது செய்வித்ததும், அர்ச்சகர் நம்பெருமாளிடம் வந்து கையில் வில்லைப்பிடித்து நாலு திக்குக்கும் நாலு அம்புபோடுவார். புள்ளச்சி வாத்தியார் கையில் சித்தமாய் வைத்திருக்கும் வன்னித்தழை கோஷ்டிக்கு விநியோகம் செய்யப்படும்.
18. பிறகு நம்பெருமாள் புறப்பட்டு கீழை அடைய வளஞ்சான் தென்பாதி வழியாகவே சாத்தாரவீதி யெழுந் தருளித் தெற்கு வாசலில் தெற்கு முகமாய்த் திரும்பி, அதிவேகமாய் ராயகோபுரம் வரைக்கும் வேட்டையாடிக் கொண்டு போய்த் திரும்புவார்.
19. நம்பெருமாள் வடக்கு முகமாய்த் திரும்பி பானகம், வடைப்பருப்பு அமுது செய்து, நேராக ஸந்நிதிக்குள் போய், கருகூல நாலுகால் மண்டபத்தில் (மீனாக்ஷி மண்டபம்) திருவந்திக்காப்பு செய்து கொண்டு சந்தன மண்டபம் எழுந்தருளியதும், திரை ஸமர்ப்பிக்கப்படும். பிறகு திருமஞ்சனம் நடைபெறும்.

ஸ்ரீ:
ஸ்ரீமதே ராமாநுஜாய நம: ஸ்ரீமத் வரவரமுனயே நம:

நவராத்ரி உத்ஸவம்

(8-10-2010 முதல் 16-10-2010 ஈறாக)
1. நவராத்ரி முதல்நாள் வேதவிண்ணப்பம்: ஸ்ரீரங்கநாய்ச்சியார் நித்தியப்படிபோல காலையில் திருவாராதனமாகி பொங்கல் அமுதுசெய்ததும், வேதவ்யாஸ பட்டர் எழுந்தருளி வேதவிண்ணப்பம் நடைபெறும்.
2. சென்ற வருடம் மார்கழி அத்யயனோத்ஸவ ஏகாதசி அன்று பெரிய பெருமாள் திருமுன்பே வேதம் தொடங்கின வேதவ்யாஸ பட்டர் தான் மறுவருடம் நவராத்திரி முதல் திருநாளன்று ஸ்ரீரங்கநாய்ச்சியார்  ஸந்நிதியிலும் வேதம் தொடங்கும் முறையைப் பின்பற்றி வருகிறார்கள்.
3.  ஸ்ரீரங்கநாய்ச்சியார் பொங்கல் அமுது செய்ததும் வேதவ்யாஸ பட்டரைத் திருமாளிகையிலிருந்து எழுந்தருளப் பண்ணி வருவர்.
4. அவர் கொலு மண்டபம் வந்து அங்கே எழுந்தருளியிருப்பார்.
5. ஸ்தானீகர் உள்ளே யிருந்தவாறே வேதவ்யாஸ பட்டருக்கு அருளப்பாடிட்டதும், வேதவ்யாஸ பட்டர் உள்ளே வந்து ஸ்தாநீகரிடம் தேங்காயைக் கொடுத்துவிட்டு, தண்டன் ஸமர்ப்பித்து கர்பக்ருஹத்துக்குள் சென்று எழுந்தருளி                    “இஷே த்வோர்ஜே த்வா”  என்ற  யஜுர்வேதம் முதல் பஞ்சாதியைச் சொல்வார்.
6. ஸ்தாநீகர் வேதவ்யாஸ பட்டருக்குத் தீர்த்தம், சந்தனம் ஸாதித்ததும், நாய்ச்சியார் ஸந்நிதி பண்டாரி, பட்டருக்குத் தொங்கு பரியட்டம் கட்டி, ஸ்ரீரங்கநாய்ச்சியார் சாற்றிக் கொண்டிருக்கும் மாலையைக் களைந்து ஸாதித்து ஸ்ரீசடகோபமும் ஸாதிப்பார்.
7.  பிறகு ருக், யுஜுஸ், ஸாம, சந்தஸ்ஸாம, அதர்வண முதலான வேதங்களுக்கும் தனித் தனியாய் அருளப்பாடாகும்.
8. அந்தந்த வேதங்களுக்கு பாத்தியப்பட்டவர்கள் வந்து ஸ்தாநீகரிடம் தேங்காய் கொடுத்து, தண்டம் ஸமர்ப்பித்து கர்பக்ருஹத்துக்கு வெளியிலிருந்தபடியே தத்தமக்கு உரித்தான வேதத்தைச் சொல்லி, தீர்த்தம், சந்தனம் மட்டும் பெற்றுக்கொண்டு போவார்கள்.
9. பிறகு ரக்ஷாபந்தனம். நாச்சியாரை அமுது பாறைக்கும் கர்ப்க்ருஹத்வாரத்துக்கும் மத்தியில் எழுந் தருளப்பண்ணி, அமுது பாறையில் கலசம் ஸ்தாபித்து, நாய்ச்சியாருக்குத் திருமஞ்சனம் நடக்கும்.
10. திருமஞ்சனமானதும், நாய்ச்சியார் உள்ளே எழுந்தருளுவார். திருவாராதனம் ஆகி பெரிய அவசரமும் அமுது செய்தருள்வார்.
11. உடனே யாகசாலையில் ஹோமம் நடந்து உத்ஸவத்துக்காக ரக்ஷாபந்தனம் செய்யப்படும்.
12. அப்பொழுது குதிரை வாஹனம் வடதிருக்காவேரியில் தீர்த்தமாடி நாய்ச்சியார் ஸந்நிதி வந்து கொலு மண்டபத்தில் நாய்ச்சியாருக்கெதிரே எழுந்தருளப் பண்ணப்படும்.
13. முதலில் நாய்ச்சியாருக்குத் திருவாராதனமும் ரக்ஷாபந்தனமும் ஆனபிறகு, குதிரைக்குத் திருவாராதனமும் ரக்ஷாபந்தனமும் நடைபெறும்.
14. மொச்சைச் சுண்டலும் பிரஸாதமும் நிவேதனமாகும்.
15. நாய்ச்சியார் கொலு: நாய்ச்சியார் தோளுக்கினியானில் எழுந்தருளி, வலம் வந்து, தென்புறத்தில் அமைந்துள்ள நாலுகால் மண்டபத்தில் திருவடி விளக்கிப் பானகம், வடைபருப்பு (விடாய் பருப்பு) அமுது செய்தருள்வார்.
16. ஸ்தலத்தார் ஆசார்ய புருஷர்கள் கோஷ்டிக்குத் தீர்த்த விநியோகமானதும் படியேற்றமாகிக் கொலு மண்டபத்தில் திருவந்திக்காப்பு கண்டருளி மண்டபமெழுந்தருளுவார்.
17. பிறகு, அலங்காரம் அமுது செய்தருள்வார்.
18. ஆர்யபட்டாள் வாசலிலிருந்து (ஸ்ரீரங்கநாய்ச்சியார் ஸந்நிதியின் முகப்பு வாசலுக்கு ஆர்யபட்டாள் வாசல் என்று பெயர்) கோயில் அதிகாரியை காப்பந்தத்துடன் பிரதக்ஷிணமாய் அழைத்து வர, அவர் நாய்ச்சியாரிடம் ஸேவை மரியாதை பெற்றுக் கொண்டு மணியகாரரோடு வெளியே போவார்.
19. ஆரியபட்டாள் வாசலுக்கருகில் கம்பத்தோரமாய் மணியகாரரும், வடபுறம் மண்டபத்தில் கோயில் அதிகாரியும், தேவஸ்தான ஊழியர்களும் அமர்ந்திருப்பார்கள்.
20. நாய்ச்சியாருக்குத் திருவாராதனம் ஆரம்பித்தவுடன் யானை நொண்டியடித்துக் கொண்டு மௌத்ஆர்கன் இசைத்தும், சாமரம் வீசியும் அதிகாரிகள் இருக்குமிடம் நோக்கிச் செல்லும்.
21. நாதஸ்வரக் கச்சேரி நடைபெறும்; இடைவிடாமல் நிலவரிசையும் மத்தாப்பும் கொளுத்தப்பட்டு அதிர்வெடியும் வெடிக்கும்.
22. ஒரு மணி நேரத்துக்கு மேலாகவே வெளியில் இந்த வைபவம் நடந்து கொண்டிருக்கையில், நாய்ச்சியாருக்குத் திருவாராதன மாகி, பட்டர் எழுந்தருளி ஆராதனாங்கமான வேதவிண்ணப்பமும் நடைபெறும்.
23. வெளியே நடக்கும் கொலுக் கச்சேரியும் முடிவு பெறும்.
24. நாய்ச்சியாருக்குக் கும்பஹாரத்தியானதும், வெள்ளிச் சம்பா நிவேதனம், தீர்த்த விநியோகம், பாவாடை போட்டு பிரஸாத விநியோகம் முதலியவை நடந்து திரை ஸமர்ப்பிக்கப்படும்.
25. நாய்ச்சியார் தோளுக்கினியானில் எழுந்தருளிப் புறப்பட்டு, எதிரிலுள்ள யானைப்படிக்கட்டு வழியாய் இறங்கி, அரையர் தாளத்துடன் ஸேவிக்கும் இசையோடு கண்ணாடியறைக்கு எதிரிலுள்ள படிக்கட்டில் படியேற்றம் கண்டருளி உள்ளே எழுந்தருளுவார்.
26. நவராத்ரி முதல் எட்டு திருநாட்களிலும் இதேமாதிரிதான் உத்ஸவம் நடைபெறும்.
26. ஸரஸ்வதி பூஜையன்று வெளியே வாத்தியக் கச்சேரி முதலியவை நடைபெறாது.                              ***

Chakkarathazhvar Vaibhavam

ஸ்ரீ:
ஸ்ரீமதே ராமாநுஜாய நம: ஸ்ரீமத் வரவரமுனயே நம:

“சக்கரத்தாழ்வார் வைபவம்”

1. பூலோக வைகுண்டம் எனப்படும் ஸ்ரீரங்கம் க்ஷேத்திரத்தில், சக்கரத்தாழ்வார் விசேஷமாக ஸேவை ஸாதிக்கிறார்.
2. ஸ்ரீரங்கம் சக்கரத்தாழ்வார் நம்பெருமாளான ஸ்ரீரங்கநாதனுடைய திருவாழியாழ்வானானபடியாலே ஸ்ரீரங்க திவ்யக்ஷேத்திரத்திலே இவருக்குத் தனி மஹிமை உண்டு.
3. இவரை வந்து ஸேவித்துப் பிரதக்ஷிணம் செய்து வந்தால் ஸகல தோஷங்களுக்கும் பரிஹாரம் கிடைக்குமாதலால், இன்றும் எல்லோரும் வந்து வழிபட்டுப் பலன் பெற்று வருவதைக் கண்கூடாகக் காணலாம்.
4. ஸ்ரீமன்நாராயணன் வலக்கரத்தில் உள்ள சக்கரத்தில் வீற்றிருக்கும் தேவனே ஸ்ரீ ஸுதர்†னர்.
5. இதையே ஸுதர்†ந சக்கரம் என்கிறோம். இவர் சக்கரராஜர், திருவாழி ஆழ்வான், ஹேதிராஜன், நேமி, என்றும், சக்கரத் தண்ணல் என்றும் பல பெயர்களால் போற்றப்படுகிறார்.
6. ஸ்ரீ ஸுதர்†னர் அனைத்து சக்திகளையும் பெற்றவர், அழிக்க முடியாத பகையை அழித்து, நீக்க முடியாத பயத்தைப் போக்கவல்லவர்.
7. எம்பெருமான் பஞ்சாயுதங்களை தரித்துக்கொண்டு இருக்கிறார். இந்த ஐவருள் சக்கரத்தாழ்வாரே முதல்வர்.
8.சக்ரத்தாழ்வாருடைய அற்புதசக்தியை எம்பெருமான் ஒருவனே அறியவல்லவன்.
9. ‘வலத்துறையும் சுடராழி’, ‘ஆழிவலவன்’, ‘வலன் ஏந்து சக்கரத்தன்’, ‘சக்கர நல்வலத்தையாய்’, ‘வலந்தாங்கு சக்கரத்தண்ணல்’, ‘திருநேமி வலவா’ என்றெல்லாம் ஆழ்வார்களால் கொண்டாடப்படுபவர் சக்ரத்தாழ்வார்.
10. ‘வட்டச் சுடராழி’, ‘வளை ஆழி’, ‘கூர்ஆழி உருவச் செஞ்சுடர் ஆழி’, ‘ஆர்மலி ஆழி’, ‘ஆர்படு… நேமி’, ‘நுதிநேமி’, ‘வளைவாய்த் திருச்சக்கரத்து’, ‘சுடர் வட்டவாய் நுதிநேமியீர்’, ‘மழுங்காத வைந்நுதிய சக்கர நல்வலத்தையாய்’, ‘வளைவாய் நேமிப்படையாய்’, ‘கூர் ஆர் ஆழி’, ‘வட்டவாய் நேமி’ என்றெல்லாம் ஆழ்வார்கள் சக்ரத்தாழ்வரைக் கொண்டாடுகிறார்கள்.
11. ‘கையார்சக்கரப்புறப்பாடு’ என்ற ஒரு நிகழ்ச்சி திருவரங்கத்தில் பிரஹ்மோத்ஸவங்களின் தொடக்கத்தின் போதுநிகழ்ந்து வந்ததாக பூர்வர்களின் வ்யாக்யானங்களில் குறிப்பிடப்படுகிறது.
12. லோக ஸம்ரக்ஷண காரியங்களில், எம்பெருமான் குறிப்பறிந்து, அவர் நினைப்பதை ஸுதர்†னாழ்வார் நொடியில் முடித்துத் தருகிறார். இந்தச் செயலை ஆழ்வார்கள் ‘கருதுமிடம் பொருதுபுனல் கைநின்ற சக்கரத்தன்’ என்று குறிப்பிட்டு உள்ளார்கள்.
13. சக்கரத்தாழ்வார் பகவான் திருவவதார காலங்களில் சில இடங்களில் நேரிடையாகவும், பல இடங்களில் மறைமுகமாகவும், எம்பெருமானுக்கு உதவி அநேக செயல்களைப் புரிந்து உள்ளார்.
14. வராஹ அவதாரத்தில் எம்பெருமானின் கோரைப் பற்களாக இருந்து இரண்யாக்ஷனை ஸம்ஹரிக்க உதவினார்.
15. நரஸிம்ம அவதாரத்தில் ஸுதர்†னர் அவர் கைகளில் நகங்களாக உருவெடுத்து இரணிய வதம் செய்தார்.
16. பரசுராம அவதாரத்தில் கோடரியாக மாறினார்.
17. ராமாவதாரத்தில், ஜ்வாலா மூர்த்தியாகி, அவரது வில், அம்பு பாணங்களில் அக்னியை கக்கி, எதிரிகளை அழித்தார், ராவண ஸம்ஹாரத்துக்கு துணை நின்றார்.
18. கிருஷ்ணாவதார காலத்தில் பகவானுடன் நேருக்கு நேராகவே அநேக ஸமயங்களில், எம்பெருமான் குறிப்பறிந்து எதிரிகளை அழித்துள்ளார்.
19. எம்பெருமான் கண்ணன் ஸுதர்சனாழ்வானைப் பெரிதும் பயன்படுத்திக் கொண்டு இருந்ததால், சக்ரத்தாழ்வான் மகிமை, க்ருஷ்ணாவதார காலத்தில் விசேஷமாகப் பரிணமிக்கிறது.
20. ஸுதர்†னர் ப்ரத்யக்ஷ தெய்வம். நெறிமுறையுடன் தீவிரமாக உபாஸிப்பவர்களுக்கு வேண்டிய வரங்களைக் கொடுப்பவர்.
21. உடல்நோய், அறிவு நோய், மன நோய் அனைத்தையும் தீர்க்கவல்லது. ஜயத்தை அளிக்கும், பயத்தைப் போக்கும். 22. “ஸ்ரீ ஸுதர்†நன்” என்பதற்கே நல்வழி காட்டுபவர் என்று பொருள். இந்நாளில் ஸ்ரீ ஸுதர்†னாழ்வானின் அருளே நமக்குத் தேவை.
23. பகவானுக்கோ பஞ்சாயுதங்கள்; ஆனால் ஸுதர்†நருக்கோ 16 ஆயுதங்கள்.
24. இருகரங்களிலும் பதினாறு ஆயுதங்களைத் தரித்துக்கொண்டு ஷட்கோண சக்ரவடிவில் யோக பீடத்தில் அமர்ந்து அருள் புரிகிறார். இவருக்குப் பின்புறம் திரிகோண வடிவில் யோகநரஸிம்மர் அருள் பாலிக்கிறார்.
25. தேசிகன் அருளிச் செய்த ஸ்ரீ ஸுதர்†நாஷ்டகத்தில், திருவாழி ஆழ்வான் (ஸுதர்†னர்) பெருமைகளாகிய எதிரிகளுக்குப் பயங்கரமாயிருத்தல், வேதங்களால் போற்றப்படுதல், உலகு நிலைக்கக் காரணமாதல், எம்பெருமானுக்கு அழகு செய்தல், பிரமன் முதலிய தேவரால் போற்றப்படுதல், எம்பெருமானுக்குப் பல வகையிலும் துணை புரிதல், ஸம்ஸாரபந்தம்  நீங்க காரணமாயுள்ளமை, யந்த்ரத்தில் அமர்ந்துள்ளமை, உலகில் அச்சத்தை ஒழித்தல் முதலியவைகளை விளக்கி அருளிச் செய்துள்ளார்.
26. ஸ்ரீ கூரநாராயண ஜீயர் ஸ்வாமியால் இயற்றப்பட்ட ஸ்தோத்ரம் ‘ஸுதர்†ன †தகம்’ எனப்படும்.
27. ஸ்வாமி சிறந்த ஸுதர்†ன உபாஸகர். திருவரங்கத்தில் அரையர் ஒருவருக்கு கொடிய கண்டமாலை என்ற வியாதி ஏற்பட்டு மிகவும் துன்புற்றார். அரையர் இவ்வாறு வருந்துவதைக் கண்டு மனம் பொறுக்காத ஜீயர் ஸ்வாமி, ஸுதர்†னாழ்வானை ப்ரார்த்தித்து, அந்த அரையரும் நோயிலிருந்து பூரண குணம்பெற ஸுதர்†னரை ப்ரார்த்தித்து இயற்றிய அருட்பாமாலை இது. இந்த நூலுக்கு ‘ஸுதர்ஸன †தகம்’ என்று பெயர்.
28. இந்த ஸுதர்†ன சதகத்தை பக்தி சிரத்தையுடன் பாராயணம் செய்பவர்கள், எப்படிப்பட்ட தீராத வியாதியில் இருந்தும் நிச்சயம் நிவாரணம் பெறலாம். இந்த சதகத்தின் கடைசி இரண்டு ச்லோகங்களில் எம்பெருமானே ஸுதர்†நரை அழைத்து “திருவாழியே! உலக வாழ்க்கைக்கு முக்யமாக தேவைப்படும் ஆரோக்யம், ஐச்வர்யம், நீண்ட ஆயுள், ஆகியவற்றை அனைவரும் என்னிடம் வேண்டி ப்ராத்திக்கின்றனர். தகுதி உடையவர்களுக்கு அவற்றை நான் அளித்து வந்தேன். இனி கேட்கும் மக்களுக்கு நீரே இவற்றை அளியும். இதைத் தவிர வேறு எதை அபேக்ஷித்தாலும் கொடும்”, என்று எம்பெருமான் ஆணையிட்டார் என்று குறிப்பிடப்பட்டுள்ளது.

ஸ்ரீ:
ஸ்ரீமதே ராமாநுஜாய நம : ஸ்ரீமத் வரவரமுனயே நம:

அஹோபில மடம் 44ஆவது பட்டம் ஸ்ரீமத்அழகியசிங்கரின்
ராஜகோபுரத் திருப்பணி
1. ஆவணி ஹஸ்த நக்ஷத்ரத்தில் தோன்றியவர் ஸ்ரீஅஹோபில மடம் 44ஆவது பட்டம் ஸ்ரீமத் அழகியசிங்கர் ஜீயர் ஸ்வாமி.
2. ஸ்ரீரங்கஸ்ரீயை வளர்த்த பெரியோர்களில் குறிப்பிடத்தக்கவர் முக்கூர் அழகியசிங்கர் என்று ப்ரஸித்தி பெற்ற 44ஆவது பட்டம் அழகியசிங்கர் ஸ்வாமியாவார். இவருடைய திருநக்ஷத்ர உத்ஸவம் 10-9-2010 அன்று நடைபெறவுள்ளது.
3. 236அடி உயரமும், 13 நிலைகளும் கொண்ட தென்கிழக்கு ஆசியாவிலேயே மிக உயர்ந்த கோபுரமான ஸ்ரீரங்கம் தெற்கு ராயகோபுரத்தைக் கட்டி முடித்தவர் ஸ்ரீமத் அழகியசிங்கர் ஸ்வாமி.
4.  ஸ்ரீமதழகியசிங்கரின் அயராத உழைப்பினால் இக்கோபுரம் இனிதே கட்டி முடிக்கப்பட்டது.
5. பதின்மூன்று நிலைகள் கொண்ட இந்தக் கோபுரத்தைக் கட்டப் பல தார்கமீகர்களின் உதவிகொண்டு சில நிலைகளைக் கட்டுவித்து, வேலை செய்பவர்களை உத்ஸாஹப்படுத்தி, கோபுரத்தைக் கட்டி முடித்தார்.
6. அழகியசிங்கரின் உழைப்பு பல கோடி ரூபாய்க்கு நிகராகும்.
7.ஸ்ரீமத் அழகியசிங்கர் 25-3-1987ஆம் தேதியிட்ட ஸ்ரீநரஸிம்ஹப்ரியாவில் கீழ்க்கண்டவாறு குறிப்பிட்டுள்ளார். “அத்ய  மே  ஸபலம்  ஜந்ம  ஜீவிதம்  ச  ஸுஜீவிதம் ஐ கோபுரம்  ரங்கநாதஸ்ய  ஸம்பூர்ணம்  பƒயதோ  மம ஐஐ” (‘எப்பொழுதும் செய்யக்கூடிய கைங்கர்ய ஸாம்ராஜ்ய பட்டாபிஷேகமானது முக்த தசையில்தான் கிடைக்கும்.  பரமபதம்போய் நான் நிரந்தரமாகச் செய்யக்கூடிய கைங்கர்யத்தை இந்த தசையிலேயே பூலோக வைகுண்டம் எனப்படும் ஸ்ரீரங்கக்ஷேத்திரத்தில் ஸ்ரீரங்கநாதன் எனக்கு அநுக்ரஹித்தருளினான்.  இங்கு எனக்கு இந்த ராஜகோபுர கைங்கர்யத்திற்காகத்தான் ஸ்ரீவைகுண்டத்திலிருந்து ஸ்ரீரங்கவிமானத்தில் ஸ்ரீமந்நாராயணன் எழுந்தருளினானோ என்று நினைப்பதுண்டு”.
8. “இந்த உயர்ந்த ராஜகோபுர கைங்கர்யத்தை அன்று அவனே ஆரம்பித்தான்.  இன்று அவனே பூர்த்தி செய்து கொண்டான்” அதாவது இந்த கோபுரநிர்மாண கைங்கர்யத்தை ஸ்ரீரங்கநாதன் தன் ப்ரீதிக்காகத் தானே செய்து முடித்து விட்டான்.
9. 1980ஆம் ஆண்டு ஒருநாள் ஸ்ரீமதழகியசிங்கர் கனவில் திவ்யதம்பதிகள் தோன்றி,  ‘நம்முடைய ஸந்நிதிக்கு முன்புள்ள மொட்டை ராயகோபுரத்தை மிகப் பெரிய கோபுரமாகக் கட்டி முடிக்கக் கடவீர்’ என்று நியமித்ததாகவும், அதற்கு ஸ்ரீமதழகிய சிங்கர் ‘எனக்கு வயதாகி விட்டதே! கிழவனான என்னால் இவ்வளவுபெரிய கைங்கர்யத்தைச் செய்து முடிக்க முடியுமா?’ என்று கேட்க, ‘அதனால் என்ன? இந்தக் கிழவனுக்குக் கிழவனான நீர்தான் கைங்கர்யம் பண்ண வேண்டும்’ என்று நியமிக்க, ‘இதைக் கட்டுவதற்கு வேண்டிய பணத்திற்கு என்ன செய்வேன்?’ என்று கேட்க, ‘நாம் கடாக்ஷிக்கிறோம்’ என்று பிராட்டி அநுக்ரஹிக்க, ‘திவ்ய தம்பதிகள் நியமனப்படி செய்கிறேன்’ என்று விண்ணப்பித்துக்கொண்டார் ஜீயர் ஸ்வாமி.
10. “இந்த ராஜகோபுர கைங்கர்யத்தைச் செய்ய ஆரம்பித்தபோது அந்தரங்கர்களாக இருந்தவர்களும், சில ஸ்ரீரங்கக்ஷேத்திர வாஸிகளும் கோபுரத்தைக் கட்டக்கூடாது என்று தடுத்தார்கள்”.
11. நாலாவது, ஐந்தாவது நிலைகள் கட்டும்போது தாராளமாகப் பணம் கிடைக்கவில்லை.
12. “இவ்விதம் பல இடையூறுகள் நேர்ந்தபோதும் ஸ்ரீரங்கநாதன் நியமனத்தால் ஆரம்பிக்கப் பட்டதாகையால் அவனே இந்தக் கைங்கர்யத்தை குறைவின்றி நடத்தி முடித்துக்கொண்டான்” என்று ஸ்ரீமத் அழகியசிங்கர் ஒரு கட்டுரையில் குறிப்பிட்டுள்ளார்
13. அன்று கலியன் இந்தத் திருக்கோயிலில் பல திருப்பணிகளைச் செய்ததாக வரலாறு கூறுகிறது.
14. தாம் விட்டுச் சென்ற இன்னும் சில கோபுரங்களைக் கட்டுவதற்காகக் கலியனே ஸ்ரீமதழகியசிங்கர்மேல் ஆவேசித்து இந்தத் திருப்பணியைப் பூர்த்தி செய்துகொண்டார் என்றே எண்ணத் தோன்றுகிறது.
15. எண்பத்தைந்து வயதிற்குமேல் கோபுரத்தைக் கட்ட ஆரம்பித்துத் தொண்ணூ<ற்றிரண்டாவது வயதில் பெரியதொரு ராஜ கோபுரத்தைக் கட்டி முடித்தார் என்ற விஷயம் பொன்னெழுத்தால் பொறிக்கத் தக்கதாகும்.
16. ஸ்ரீரங்கநாதனின் நியமனப்படி கோபுரத்தைக் கட்டுவது தான் எனக்கு முக்கியமே தவிர, கோயில் ஸம்ப்ரதாயத்திற்கு விரோதமாக யாதொரு கார்யமும் செய்கிறதில்லை என்று ஸ்ரீமதழகியசிங்கர் வாக்களித்ததோடு மட்டுமல்லாமல் அதை நடைமுறையிலும் நிறைவேற்றிக் காட்டினார்.
17. இந்தத் தெற்கு ராஜகோபுர திருப்பணி 1979ஆம் ஆண்டு தொடங்கப்பட்டது. 1986ஆம் ஆண்டு பூர்த்தி செய்யப்பட்டது.
18. திருவரங்க ராஜகோபுரத் திருப்பணிக்குப் பல மதத்தவரும், பல இனத்தவரும், பல்வேறு வகைப்பட்ட தொழில் செய்வோரும், செல்வர்களும், வறியவர்களும்கூட தங்கள் பங்காக நன்கொடைகளை இயன்ற அளவு வழங்கினர்.
19. ராஜகோபுரத்தைக் கட்ட சுமார் ஒன்றரை கோடி ரூபாய் செலவாகியுள்ளது.
20. மஹாஸம்ப்ரோக்ஷண வைபவத்தில் (25.03.1987) அந்நாளைய தமிழக முதலமைச்சர்  திரு.எம்.ஜி. ராமச்சந்திரன், துணை ஜனாதிபதி திரு.ஆர்.வெங்கட்ராமன் ஆகியோர் கலந்துகொண்டு சிறப்பித்தனர்.  சிறப்புத் தபால் தலையும், தபால் உறையும் அன்றையதினம் வெளியிடப்பட்டது.
21. கல்காரம் பலப்படுத்துதல், முதல்நிலை ஆகிய பணிகளை ஸ்ரீஅஹோபிலமடம்ஜீயர் ஸ்வாமி, 2ஆம் நிலை ஸ்ரீரங்கம் ஸ்ரீமத் ஆண்டவன் ஸ்வாமி, 3ஆம் நிலை காஞ்சி சங்கராசார்யர் ஸ்வாமி, 4ஆம் நிலை ஆந்திர அரசு, 5ஆம் நிலை கர்நாடக அரசு, 6ஆம்நிலை புகழ்பெற்ற இசையமைப்பாளரான இளையராஜா, 7ஆம் நிலை திருச்சி, ஸ்ரீரங்கம் பொது மக்கள், 8ஆம் நிலை உதவி ஜனாதிபதி திரு.ஆர் வெங்கட்ராமன், 9ஆம் நிலை சேஷம்மாள் சாரிடீஸ், 10ஆம் நிலை காஞ்சி காமகோடி சிஷ்யசபை, 11ஆம் நிலை ஸ்ரீமஹாலக்ஷ்மி டிரஸ்ட், 12ஆம் நிலை ஸ்ரீரங்கநாதாசார்யர், 13ஆம் நிலை தமிழக அரசு, கலசங்கள் திரு. எஸ். ஆர்.ஜி. ஆகியோர் அளித்த நிதி கொண்டு இந்த ராஜகோபுரம் எழுப்பப்பட்டது.            ***


Koyil Sri Jayanthi/Pancharathra Sri Jayanthi

ஸ்ரீ:
ஸ்ரீமதே ராமாநுஜாய நம: ஸ்ரீமத் வரவரமுனயே நம:

“கிருஷ்ணஜயந்தி”
(2.9. 2010 வியாழக்கிழமை ஆவணி அஷ்டமியோடு கூடிய ரோஹிணி)
திருவரங்கத்தில் ஸ்ரீஜயந்தி கொண்டாட்டங்கள்


1. நம்பெருமாள் பொங்கல்  அமுது செய்து புறப்பட்டு ஸ்ரீபண்டார மண்டபம் எழுந்தருளுவார்.
2.  இந்த மண்டபத்தைக் கட்டிவைத்து உத்ஸவத்தையும் நடத்தி வைத்த உத்தமநம்பி அய்யங்காருக்கு ஸேவை மரியாதை அனுக்ரஹிப்பார்.
3.  பிறகு திருமஞ்சனம். கிருஷ்ணனுடைய அவதார நிமித்தம் திருவாரா தனத்தில் பெருமாளுக்கு கண்டருளப் பண்ணும் எண்ணெய் அரையரால் கோஷ்டிக்கு விநியோகம் செய்யப்படும்.
4. ஸ்ரீஜயந்தி உத்ஸவத்தில் திருமஞ்சன காலத்தில் ஸ்ரீகிருஷ்ண லீலா விஷயமான பெரியாழ்வார் திருமொழி அரையரால் தாளத்தோடு கானம் செய்யப்படும்.
5. திருமஞ்சனம் முதலியவை நடந்து மாலை நம்பெரு மாள் உள்ளே எழுந்தருளியதும் நம்பிள்ளை கோஷ்டியி லிருக்கும்     (கீழை ராஜமகேந்திரன் திருச்சுற்றிற்கு நம்பிள்ளை கோஷ்டி என்று பெயர்.)
6. கிருஷ்ணனுக்கு இரவு திருமஞ்சனம் முதலியவையும், உள்ளே பெரிய பெருமாளுக்கு திருவாராதனமும் நடந்து பலவகை திருப்பணியாரங்களும் அமுது செய்விக்கப் படும். இந்த நிகழ்ச்சி ‘சங்குப்பால்’ என்று அழைக்கப் படுகிறது.
7. இவரே உறியடிக்கு எழுந்தருளுகிறார். மூல விக்ரஹங்களாக நந்தகோபன், யசோதை, ரோஹிணி ஆகியோர் எழுந்தருளி யுள்ளனர்.
8. தற்போது கிருஷ்ணனுடைய உத்ஸவ விக்ரஹம் மட்டும் நந்தகோபருக்கு முன்பு அமைந்துள்ளது. ஆயினும் குறிப்புகளின்படி  கிருஷ்ணனுடைய மூல விக்ரஹம் அந்த ஸந்நிதியில் இருந்ததாக அறியப்படுகிறது.
9. உத்-ஸவருடைய வலது திருப்பாதம் பத்மபீடத்தில் காலை சிறிது வளைத்து நிலைகொண்டுள்ளது. இடது திருப்பாதம் தூக்கிய நிலையில் வலது முழங்காலுக்கு  சமநிலையில் உள்ளது.
10. தலையில் கிரீடம் அணிந்த நிலையில் கையில் வெண்ணெயுடன் காட்சியளிக்கிறார். நந்தகோபருடைய வலது கையில் பால் சொம்பும், இடது கையில் சங்கும் உள்ளன.
11. ஸ்ரீஜயந்தியன்று இந்தத்திருக்கோயிலில் அமைந்துள்ள மற்றைய கிருஷ்ணன் ஸந்நிதிகளிலும் ஸ்ரீஜயந்தி கொண்டாடப்படும்.
12. அவையாவன: அகளங்கன் திருச்சுற்றில் உள்ள 1. பார்த்தசாரதி ஸந்நிதி, 2.விட்டலகிருஷ்ணன் ஸந்நிதி, 3.தொண்டரடிப்பொடியாழ்வார் ஸந்நிதியில் உள்ள அஷ்டபுஜ கோபால கிருஷ்ணன் (மதன கோபாலன்), 4.நாதமுனிகள் ஸந்நிதியில் உள்ள பலராமரோடு கூடிய கோபாலகிருஷ்ணன், 5.வேணுகோபாலன் ஸந்நிதியில் உள்ள நான்கு திருக்கரங்களோடு கூடிய கிருஷ்ணன், 6.கார்த்திகை கோபுரவாசலின் வடக்குப் பகுதியில் அமைந்துள்ள ருக்மிணி, சத்யபாமா வோடும் நான்கு திருக்கரங்களோடும் கூடிய வேணு கோபாலன்,   7.சந்திர புஷ்கரிணியின் வடமேற்கு மூலையில் அமைந்துள்ள வேணுகோபாலன் (ராதா ஆலிங்கன கிருஷ்ணன்).
13. ஆலிநாடன் திருச்சுற்றில் அமைந்துள்ள ஆர்யபட்டாள் வாசலுக்குக் கிழக்குப்பகுதியில் நிர்மாணிக்கப்பட்டுள்ள ஹொய்சாள மன்னனான  இரண்டாம் வீர நரசிம்மனது கி.பி.1232ஆம் (அ.கீ.Nணி. 69 ணிஞூ 1936/37) ஆண்டு கல்வெட்டின்படி துவாரசமுத்திர மன்னனான வீரவல்லப தேவனுடைய பட்டமகிஷியான உமாதேவியால் ‘திருக்குழலூதும் பிள்ளை’ ஸந்நிதி நிர்மாணிக்கப்பட்டதாக அறியப்படுகிறது.
14. இந்த ஸந்நிதிதான் ரங்கவிலாஸ மண்டபத்தின் மேற்கு பகுதியில் அமைந்துள்ள கிருஷ்ணன் ஸந்நிதி.
15. தயிர்வார்த்து உழக்கு நெய்யமுதும் சிறப்பமுதும் படைப்பதற்கான நிவந்தங்கள் விடப்பட்டதை இந்தக் கல்வெட்டு குறிப்பிடுகிறது.
16. மறுநாள் காலை உறியடியன்று பெரியபெருமாள் சீக்கிரமாகப் பொங்கல் அமுது செய்து, மேளதாளத்துடன் வரும் எண்ணெய் அலங்காரம் கண்டருளியதும், கிருஷ்ணன் பொங்கல் அமுது செய்து புறப்பட்டு எண்ணெய் விளையாட்டுடன் திருவீதி எழுந்தருளுளி, வீதியில் எண்ணெய்க்காப்பும் மொச்சைச் சுண்டலும், விநியோகம் செய்து கொண்டே ஸந்நிதிக்குள் எழுந்தருளுவார்.
17. பெரிய அவசரம் அமுது செய்த பிறகு மதியத்திற்கு மேல் நம்பெருமாள் உபயநாய்ச்சிமார்களுடன் புறப்பட்டு கிருஷ்ணனையும் அழைத்துக் கொண்டு திருமஞ்சனக் காவேரிக் கரையிலுள்ள உறியடி மண்டபம் எழுந்தருளி, திருவாராதனம் முதலியவை ஆனதும் வீதியில் எழுந்தருளுவார்.
18. தெற்கு வீதி மேல்புறத்தில் வழுக்குமரம் நாட்டி கிருஷ்ணன் வழுக்குமரம் ஏறுவதாகத் திருச்சுற்றுக்காரர் வழுக்குமரம் ஏறுவார். (தற்போது இந்த நிகழ்ச்சி நடைபெறுவதில்லை. மாறாக கீழே நின்றுகொண்டு பானைகளை உடைப்பார்.)
19. நம்பெருமாள் அவ்விடத்தில் பானகம், விடாய்ப் பருப்பு அமுது செய்து புறப்பட்டு சித்திரை திருவீதியைச் சுற்றி வருகையில் தெற்குவாசலில்  கீழ்ப்புறம் முதலியார் கோஷ் டிக்கு கோடைத் திருநாளில்  போல சந்தனம், அறுவாணம் ஆகியவை விநியோகிக்கப்படும். இந்த நிகழ்ச்சி நடைபெற்று வரும் தற்போது இடிக்கப்பட்ட வாணிவிலாஸ் கட்டிடத்தில் தான் திருவரங்கத்தில் சில ஆண்டுகள் வசித்துவந்த விஜயநகர மன்னனான அச்சுததேவராயர் அரண்மனை வாசம் கொண்டிருந்தார்.

AndaL Thiruvadippooram

ஸ்ரீ:
சூடிக்கொடுத்த நாச்சியார் திருவடிகளே சரணம். ஸ்ரீமதே ராமாநுஜாய நம: ஸ்ரீமத் வரவரமுனயே நம:
“திருவாடிப்பூர உத்ஸவம்” (12-8-2010)

1. “மெய்யடியாரான” விஷ்ணுசித்தராகிய பெரியாழ்வார் ஸ்ரீவில்லிபுத்தூரில் திருநந்தவனத்தில் திருத்துழாயைப் பயிரிடுவதற்காக மண்ணைக் கொத்திக் கொண்டிருந்தபோது, பூமிப்பிராட்டியின் அம்சமாகத் திருவாடிப்பூர நக்ஷத்ரத்திலே ஆண்டாள் அவதரித்தாள்.
2. பெரியாழ்வார் கண்டெடுத்த குழந்தைக்கு“சுரும்பார்க் குழற்கோதை” என்று திருநாமம் சாற்றி திருமகள்போலே வளர்த்து வந்தார்.
3. ஸ்ரீமணவாளமாமுனிகள் இந்த வைபவத்தை “இன்றோ திருவாடிப்பூரம், எமக்காக வன்றோ இங்காண்டாளவதரித்தாள்,குன்றாத வாழ்வான வைகுந்தவான்போகந்த(ன்) னையிகழ்ந்து ஆழ்வார் திருமகளாராய்” என்று உபதேச ரத்தினமாலையில் (22) கொண்டாடியுள்ளார்.
4. ஆண்டாளுக்குத் திருமண வயதுவந்தவாறே, பெரியாழ்வார் அவளிடம் “யாரை நீ மணம் செய்து கொள்ள விரும்புகிறாய்?” என்று வினவியதற்கு, திருவரங்கத்துள் ஓங்கும் ஒளியுளாரான அரங்கத்தம்மானுக்கே தான் அற்றுத் தீர்ந்தவளாகக் கூறிட , அவரும் தன்னுடைய சிஷ்யனான வல்லபதேவனிடம் தெரிவித்தார்.
5. பெரியாழ்வாரின் சிஷ்யனான வல்லபதேவன் கோதைப் பிராட்டிக்கு ஸ்த்ரீதனமாக அநேக ஆபரணங்களையும், பொற்குவியல்களையும் கொடுத்துத் திருப்பல்லக்கிலே சூடிக் கொடுத்த நாய்ச்சியாரை எழுந்தருளப்பண்ணிக்கொண்டு, திருவரங்கத்தைச் சென்றடைந்தான்.
6.தென்திருக்காவிரி வடகரையிலே இறங்கி நீராட்டம் கண்டபிறகு, அநேக அலங்காரங்களைப் பண்ணிக்கொண்டு கோயில் பரிஜனங்கள் எதிர்கொள்ளத் திருப்பல்லக்குடனே கோயிலிலே புகுந்த ஆண்டாள் பெரியபெருமாள் திருவடிகளிலே இன்றும்  நித்யகைங்கர்யம் பண்ணிக்கொண்டிருக்கிறாள்.
7. திருவரங்கன் சூடிக்கொடுத்த நாய்ச்சியாரை ஏற்றுக் கொண்ட வைபவத்தை ஆறாயிரப்படி குருபரம்பரை (பின்பழகராம் பெருமாள் ஜீயர் அருளிச்செய்தது)  கீழ்க்கண்டவாறு விவரிக்கிறது:
8. “ஆண்டாள் வந்தாள், சூடிக் கொடுத்தாள் வந்தாள், சுரும்பார்க் குழற்கோதை வந்தாள், திருப்பாவை பாடிய செல்வி வந்தாள், தென்னரங்கந் தொழுந் தேசியள் வந்தாள்” என்று பல சின்னங்கள் பணிமாற வந்து, அழகியமணவாளன் திருமண்டபத்தே சென்று பல்லக்கின் தட்டுப்பாயை நீக்கினார் பெரியாழ்வார்.
9. சூடிக்கொடுத்த நாய்ச்சியாரும், அகிலருங் காணும்படி உதறியுடுத்த பட்டுச்சேலையும், சுற்றிய செங்கழுநீர் மாலையும், திருநுதற்கஸ்தூரித் திருநாமமும், காதளவும் ஓடிக் கயல்போல் மிளிருங் கடைக்கண்விழியும், கொடியேரிடையும் கோகநகத்த கொங்கைகுலுங்கச் சிலம்பார்க்கச் சீரார்வளை யொலிப்ப அன்னமென்னடைகொண்டு அழகியமணவாளன் திருமுன்பே சென்று உள்ளேபுகுந்து கண்களாரக் கண்டு, கேசவ நம்பியைக் கால் பிடிப்பாளென்னும் பேறுபெற்று, நாகபர்யங்கத்தை மிதித் தேறித் தீ முகத்து நாகணை மேற்சேருந் திருவரங்கரைச்சேர்ந்து, திருவரங்கன் திருவடி வருடும்படி அந்தர்ப்பவித்தருள, இத்தைக் கண்ட ஆழ்வார் சிஷ்யரான வல்லபதேவனுள்ளிட்டார் அகிலரும் திகைத்துநிற்க, திருவரங்கச்செல்வனார் ஆழ்வாருக்கு அருள்பாடிட்டருளி திருப்பாற்கடல் அரசனைப்போல நீரும் நமக்கு ƒவ†úரராய்விட்டீர்  (மாமனார் ஆகிவிட்டீர்) என்று மிகவும் உகந்தருளி இவருக்குத் தீர்த்தம் திருமாலை திருப்பரியட்டத்துடனே ஸ்ரீசடகோபனும் ப்ரஸாதித்தார்.
10. அதன்பிறகு அவரிடம் வில்லிபுத்தூருறை வான்றன் பொன்னடி பூண்டு கொண்டு வாழும் என்று விடை கொடுத்தருள, ஆழ்வாரும் பெரு மகிழ்ச்சியோடே, ஸ்ரீவில்லிபுத்தூரேறச் சென்று முன்பு செய்து வந்ததுபோலே வடபெருங்கோயிலுடையான் கைங்கர்யநிரதராய் வாழ்ந்து வந்தார்.
11. திருவரங்கத்தில் பெரியபெருமாள் திருவடிகளில் இன்றும் திருப்பாணாழ்வாரும், ஆண்டாளும் எழுந்தருளியிருந்து கைங்கர்யத்தில் ஈடுபட்டிருப்பதாக பூர்வாசார்யர்கள் அருளிச் செய்வர்.
12. கலாபத்தின்போது வெளியாண்டாள் ஸந்நிதியில் எழுந்தருளியிருந்த ஆண்டாள் உத்ஸவ விக்ரஹம் தோப்பு ராமர் ஸந்நிதி என்று புகழ்பெற்றிருந்த தற்போதைய உள்ளாண்டாள் ஸந்நிதிக்கு எழுந்தருளப் பண்ணப்பட்டாள். ஆகவே இந்த திவ்ய தேசத்தில் இந்த 2 ஆண்டாள் ஸந்நிதிகளிலும் திருவாடிப்பூர உத்ஸவம் நடைபெற்று வருகிறது. இதுதவிர பரமபதநாதன் ஸந்நிதியில் ஆழ்வார் ஆசார்யர்களுடன் எழுந்தருளியிருக்கும் சூடிக்கொடுத்த நாச்சியாருக்கு இந்த உத்ஸவத்தின்போது ஒவ்வொரு நாளும் விசேஷத் திருக்கோலம் சாற்றப்படுகிறது.
13. ஆண்டாளுக்குத் திருநக்ஷத்திரோத்ஸவம் 10 நாளாகையால் ஆடி பரணியன்று தொடக்கம்.
14. ஆடிப்பூரத்தன்று பெரியபெருமாளுக்குத் தினந்தோறும் காலையில் காவேரியிலிருந்து வரும் திருமஞ்சனத்தைவிட விசேஷ விமரிசையுடன் பெரியகோயில் கைங்கரியபரர்கள் யானை மேல் கொண்டுவரும் தீர்த்தத்தால் ஆண்டாளுக்குத் திருமஞ்சனம் நடைபெறும்.
15. பிறகு பெரியபெருமாள் ஸந்நிதியிலிருந்து சேலையும் அலங்காரமும் வந்து, அலங்காரம் அமுது செய்ததும் கோஷ்டி. முதலில் வெளியாண்டாளுக்குத் திருமஞ்சனம் வந்த பிறகு உள்ளாண்டாளுக்கு வரும்.
16. பெரியபெருமாள் தம்முடைய திருமஞ்சன வேதி முதலியவற்றை உள்ளாண்டாளுக்குக் கொடுத்தனுப்புவார்.
17. ஆண்டாளுக்கும், நாச்சியாருக்கும், ஆழ்வாராசாரியாள் அல்லாத இராமன் முதலிய பிம்பங்களுக்கும் இங்கு வெளிப்புறப்பாடு கிடையாது.
***