Sale!

Sri Bhashyam 2016 Release – 8 Volumes

3,500.00 3,000.00

Sri Bhashyam (2016).This is the concluding part  covering adhyayams 2,3 and 4  with simplified Tamil commentary by Sri Vaishnava Sri Krishnamachari 8 Volumes ( Continuation of the books released in 2015)

This Price is the Pre Publication price for all orders booked till April 30 . From May 1,2016 the price is Rs.3500(By post) for these 8 Volumes . Similarly the full set of 16 Volumes shall be available for Rs.5000 instead of the MRP price of Rs.6300 ( in store purchase valid in Srirangam Sri Vaishnava Sri shop only ) till April 30.

 

 

Category:

Description

ஸ்ரீ:
அனைத்துத்தரப்பினரும் படித்துப் புரிந்து கொள்ளும் வண்ணம் ஒவ்வொரு ஸூத்ரமும் 11 பகுதிகளாகப் பிரிக்கப்பட்டு விரிவுரை எழுதப்பட்டுள்ளது.

1. அதிகரணத்தின் பெயர். 2. அதிகரணங்களில் அமைந்துள்ள ஸூத்ரங்களின் எண்ணிக்கை. 3. விவரிக்கப்படும் ஸூத்ரம் தமிழ் எழுத்தில் ஒலிக்குறியீடுடன். 4. விவரிக்கப் படவுள்ள ஸூத்ரத்தின் பதவுரை தமிழில். 5. அந்த ஸூத்ரத்திற்கான பதவுரையின் ஆங்கில மொழிபெயர்ப்பு. 6.எம்பெருமானார் அருளிச்செய்த ஸ்ரீபாஷ்யம் ஒலிக்குறியீடு களுடன் தமிழ் எழுத்துக்களில். 7. ஸ்ரீபாஷ்யத்திற்கான ஆங்கில மொழிபெயர்ப்பு. 8. அந்த ஸூத்ரத்திற்கான ஸ்ரீபாஷ்ய விரிவுரை யின் திரண்டபொருள். 9. ஸ்ரீபாஷ்யத்திற்கான விரிவுரை – மேற்கோளாய் கொள்ளப்பட்ட உபநிஷத், ஸ்ம்ருதி, இதிஹாச, புராண வாக்யங்களுக்கான தமிழ்மொழிபெயர்ப்புடன் கூடியது. 10. ஸ்ரீபாஷ்ய விரிவுரையின் ஊடே ஆங்காங்கே ஆங்கிலத்தில் விளக்கக் குறிப்புகள். 11. ஆழ்வார் பாசுரங்களுக்கான ‘ஐககண்ட்யம்’ (கருத்தொற்றுமை) ஆகியவை இடம் பெற்றுள்ளன.

எல்லாவற்றுக்கும் மேலாக “வேதம் தமிழ் செய்த மாறன்” என்ற தலைப்பில் இயற்பாவில் அமைந்துள்ள திருவிருத்தம், திருவாசிரியம், பெரியதிருவந்தாதி மற்றும் திருவாய்மொழி ஆகிய நான்கு பிரபந்தங்களில் அமைந்துள்ள பாசுரங்களுக்கான வேதாந்த விழுப்பொருள் கொண்டு,  ‘இதுகொண்டு பாஷ்யகாரர் ஸூத்ர வாக்கியங்கள் ஒருங்க விடுவர்’ (ஆசார்ய ஹ்ருதயம் – 65) என்னும் ஸூத்ரத்திற்கு விளக்கவுரையாக எழுதப்படவுள்ளது. இதுகாறும் இத்தகைய தொரு விளக்கநூல் எழுதப்படவில்லை. இந்த நூலில் ‘வேதம்’ என்னும் பகுதியில் சுமார் 400 பக்கங்களுக்குமேல் வேதத்தின் பல்வேறு கிளைகளுக்கு விளக்கம் அளிக்கப்பட்டுள்ளது. இதில் அமைந்துள்ள குறிப்புகள் வேதத்தைப் பற்றிய அடிப்படை அறிவினைப் பெற உதவும்.

ஸ்ரீபாஷ்யம் இந்த ஆண்டோடு முழுமை பெறுவதால் இரண்டு, மூன்று மற்றும் நான்காம் அத்யாயங்களுக்கான (12 பாதங்களுக்கான) விரிவுரை 7 புத்தகங்களாகவும், ‘வேதம் தமிழ் செய்த மாறன்’ (கருத்தொற்றுமை) ஒரு புத்தகமாகவும் (மொத்தம் 8 புத்தகங்கள்) வெளிவரவுள்ளன. இந்த எட்டு பகுதிகளுக்கான  மொத்த பக்கங்கள் சுமார் 3,500.

இந்த ஆண்டு வெளியீடு செய்யப்படவுள்ள பகுதிகள்.

1) பாகம் 6 – பகுதி 9
ஸ்ரீபாஷ்யம் 2ஆம் அத்யாயம், முதல் பாதம், பக்கங்கள் = 428

2) பாகம் 6 – பகுதி 10
ஸ்ரீபாஷ்யம் 2ஆம் அத்யாயம், இரண்டாம் பாதம், பக்கங்கள் = 372.

3) பாகம் 6 – பகுதி 11
ஸ்ரீபாஷ்யம் 2ஆம் அத்யாயம், மூன்று மற்றும் நான்காம் பாதங்கள், பக்கங்கள் = 408.

4) பாகம் 6 – பகுதி 12
ஸ்ரீபாஷ்யம் 3ஆம் அத்யாயம், முதலிரண்டு பாதங்கள், பக்கங்கள் = 384.

5) பாகம் 6 – பகுதி 13
ஸ்ரீபாஷ்யம் 3ஆம் அத்யாயம் மூன்றாம் பாதம், பக்கங்கள் = 524.

6) பாகம் 6 – பகுதி 14
ஸ்ரீபாஷ்யம் 3ஆம் அத்யாயம் நான்காம் பாதம், பக்கங்கள் = 256.

7) பாகம் 6 – பகுதி 15
ஸ்ரீபாஷ்யம் 4ஆம் அத்யாயம் 1,2,3 மற்றும் 4ஆம் பாதம் ஆகியவற்றிற்கான விரிவுரை, பக்கங்கள் = 468.

8) பாகம் 7.
‘வேதம் தமிழ் செய்த மாறன்’ – பக்கங்கள் = 700.

ஸ்ரீபாஷ்யம் மொத்தம் 16 தொகுதிகளாக வெளியிடப்படவுள்ளது. திருவாய்மொழிக்கும், ஸ்ரீபாஷ்யத்திற்கும் இடையே அமைந்துள்ள ஐககண்ட்யம் (கருத்தொற்றுமை) மிக விரிவாக அழகிய மணவாளஜீயர், நிகமாந்த தேசிகனின் தாத்பர்ய ரத்னாவளி, அதிகரண ஸாராவளி, ஈட்டு வ்யாக்யானம் ஆகியவற்றின் அடிப்படையில் வேதம் என்றால் என்ன? அதன் உள்ளடக்கம் யாது? என்பதைப் பற்றிய நீண்ட முகவுரையோடு வெளிவரவுள்ளது.

மேலும் ஞானமண்டபமாகிய மேல்கோட்டை திருநாராயணபுரத்தில் எம்பெருமானாருடைய ஆயிரமாவது ஆண்டு அவதார திருநக்ஷத்ர உத்ஸவத்தை முன்னிட்டு ஸ்ரீபாஷ்யத்தின் அடிப்படையில் 6 மாத காலத்திற்குள் 40 உபந்யாஸங்களுக்கு ஏற்பாடு செய்யப்பட்டுள்ளன. அவற்றின் தொடக்கவிழா உடையவர் உத்ஸவத்தின்போது நடைபெறவுள்ளது.

கைங்கர்யஸ்ரீமான்கள் ராஜேந்திரன் மற்றும் ஸ்ரீராம் ஆகியோர் ஜீயர் ஸ்வாமி எழுந்தருளி, இந்த வெளியீட்டு விழாவினை சிறப்பிக்க வேண்டுமென்ற எண்ணங்கொண்டவர்களாய் இருக்கிறார்கள். அடியேனுடைய அவாவும் அதுவே. அடியேன் இப்பொழுது வெளியீடு செய்யும் ஸ்ரீபாஷ்ய பதிப்புகள் தமிழ் மற்றும் ஆங்கிலம் தெரிந்தவர்களுக்கு உபயோக கரமாய் இருக்கும். எளிய நடையில் எழுதப் பட்டுள்ளன. இதுவரையில் தென்னாசார்ய ஸம்ப்ரதாயத்தைச் சேர்ந்தவர்கள் தமிழில் முழுமையாக ஸ்ரீபாஷ்யத்தை எளிய விவரணத்தோடு எழுதி வெளியிடவில்லை என்பது குறிப்பிடத்தக்கது.

2018ஆம் ஆண்டு கைங்கர்யஸ்ரீமான் A.N. ஸ்ரீநிவாஸ குப்தா அவர்களின் நூற்றாண்டு விழா கொண்டாட்டத்தின்போது, எம்பெருமானாருடைய கீதா பாஷ்யம், சரணாகதி கத்யம், ஸ்ரீரங்க கத்யம், ஸ்ரீவைகுண்ட கத்யம் மற்றும் நித்யம் ஆகிய நூல்கள் வழி எம்பெருமானார் அருளிச் செய்த வ்யாக்யானங்களுக்கான எளிய விவரணம் வெளியீடு செய்யப்படவுள்ளது.

அடியேன் ராமானுஜதாஸன்,அ.கிருஷ்ணமாசார்யர்.

Reviews

There are no reviews yet.

Only logged in customers who have purchased this product may leave a review.